" स्मृति " 
” स्मृ । ती” ….
_
जाईल जेव्हा मी या जगातून
एक आठवण ठेऊन जाईल
लेखणीतून या प्रेम वाटण्या
एक पुस्तक बनूनी राहील
–
शब्द माझे भावना तुमच्या
एक वेगळीच ओळख राहील
जाईल जेव्हा मी या जगातून
एक आठवण बनुनी राहील ..
.
कधी माझे कधी तुमचे
प्रतिबिंब दिसतील ज्याचे त्याचे
कधी सुखाचे कधी दुःखाचे
पाझर फुटलीत या मनाचे
त्या मनाला ओळख देण्या
मी हसू बनुनी येईल ..
.
जाईल जेव्हा मी या जगातून
एक आठवण बनुनी राहील ..
.
कुणी हसावे कुणी रुसावे
ते पाहण्या मी नसावे
काही खरे तर काही खोटे
आठवणीत माझ्या हृदय रडावे
उतरविल ऐसें शब्द लेखणी
एक ओळख बनुनी राहील ,
.
जाईल जेव्हा मी या जगातून
एक आठवण बनुनी राहील ..
_
मितवा ❤️
